الأميرة عهد المديره العامه
ساعة الأميرة عهد : عدد المساهمات : 5629تاريخ التسجيل : 14/04/2012الأوسمة : أوسمة( الأميرة عهد )
: شهادة شكر وتقدير(الأميرة عهد )
موضوع: التكافؤ بين الازواج ..اهم عناصر الزواج الصحيح الأحد مايو 13, 2012 2:23 am ازيكوا يا احلى اعضاء )) التوبيك دة علشان نتناقش فيه فى موضوع كدة بيجى فى بالى كتير فحبيت اقول رايي واسمع اراء الاخرين بسم الله طبعا ديننا الاسلامى و أكيد باقي الأديان السماوية حددت شروط للجواز علشان يكون ناجح و يحقق هدفه فعلا وهو إعمار الأرض و شروط الزواج كبداية يعني التكافؤ .. ومش هننكر إن عدم التكافؤ أكبر اسباب الطلاق و فشل الحياة الزوجية حتى لو كانت مستمرة و التكافؤ بيكون في حاجات كتير زي .. المستوى الاجتماعي , التكافؤ في النسب زي دول الخليج مثلا , المستوى المادي , السن بين الزوجين , الشكل كمان بيعتبر تكافؤ يعني البشرة الفاتحة و البشرة الغامقة والطول ووو و طبعا المستوى الثقافي و التعليمي ... ودا موضوعي الموضوع دة بقى عامل مشاكل كتير اليومين دول و الناس بين مؤيد و معارض واغلب البنات من المعارضين لفكرة انها تاخد حد اقل منها فى التعليم بس الشباب غالبا مش مع الفكرة دي بالعكس بيطلب الأعلى !! كلنا حافظين احاديث الرسول عليه الصلاة و السلام في أمور الزواج و هنستشهد بيها مثل : ( تُنْكَحُ الْمَرْأَةُ لِأَرْبَع : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) و طبعا مش معنى الحديث إنهم يتخلوا عن كل الصفات في مقابل الدين لكن لو فرضنا الدين رقم 1 و الجمال رقم 0 و الحسب 0 و المال 0 الدين اساسي يكون موجود ولما يكون معاه جمال = 10 ,, لو جمال و مال = 100 ,, لو جمال و مال و حسب = 1000 و اي صفة فيهم أو كلهم من غير الدين = 00000000 و مفيش شاب بيدور على الدين بــس .. على الأقل بيطلب القبول الشكلي و القبول الشكلي معناه الجمال عندهم وطبعا بيكون نسبي نيجي بقى للبنات و حديث الرسول (صلى الله عليه وسلم ) ( إذا أتاكم من ترضون دينه وخلقه فزوجوه، إلا تفعلوا تكن فتنة في الأرض وفساد كبير ) جميل جدا و كلنا متفقين إن الدين و الخلق و الأمانة لا بديل عنهم بس يعني إيه "" خُـلقـــه "" تشمل إيه ؟ و هل معنى الحديث انه بيقول إني اتخلى عن المستوى الاجتماعي المناسب أو المادي أو العلمي ؟! أنا شايفة إنه لا طبعا و مستحيل الحديث يقصد كده و الدليل .. قصة زواج سيدنا زيد بن حارثة مولى رسول الله و أم المؤمنين زينب بنت جحش رضي الله عنهما و طلبها الإنفصال لفارق المستوى الاجتماعي بينهم هل سيدنا زيد كان ناقص التدين و الأخلاق و الأمانة حاشا لله طبعا ... لكنه التكـافــــؤ و ربنا لم يعاقبها علشان تكون عبرة زي مابنسمع من ناس و إنه تكبر على خلق الله و بطر !! .. بالعكس أهداها سيد الخلق أجمعين عليه الصلاة و السلام فـ " الخلق " بيكون نتيجة للبيئة و التربية و المستوى التعليمي و الاجتماعي للشخص نتفق من الأول إن في حالات شاذة لكن في رأيي إنها حالات " فرديـــة " مش هنقدر نعممها أو نكسر قاعدة علشانها خصوصا في موضوع التعليم و الثقافة و مش ضروري نقول إن ياما ناس خريجة كليات وتافهة وناس مؤهلات اقل و مثقفة .. لأنه مش شرط و مش الأغلبية طيب مافي ناس خريجة كليات و مثقفة و ناس مؤهلات أقل ومش مثقفة حتى الكليات فيها فروق و مستويات في كليات قمة .. و في كليات علمي و كليات أدبي في أقسام لغات و أقسام عربي أنا مش بقلل من أي كلية أو إنسان عموما .. بس بتكلم عن التكافؤ عيب الإنسان يطمح لنفسه في الأحسن ؟؟ و خصوصا ان الست دايما بتكون على مستوى زوجها مش العكس وربنا سبحانه و تعالى في كتابه قال ( هل يستوي الذين يعلمون والذين لا يعلمون ) صدق الله العظيم و طبعا طلب العلم فريضة و في عليه أحاديث كتير صحيحة يعني مش عيب إن انسان يهتم يتعلم ويطلب لنفسه كمان إنسان متعلم ( تعليم صح مش مجرد تعليم شهادات بتاع احفظ و انسى ) طيب ليه المجتمع وبعض الشباب عاملها مشكلة و بيعترض على حق البنت في زوج من مستواها التعليمي ؟؟ البنت بتطلب زوج من مستواها يعني بتطلب صفة موجودة فيها .. مش بتطلب صفة خارقة مثلا و لا مخلوق من الفضاء ! و بيكون ليها أسباب كتير مش مضطرة تقنع كل إنسان بيها أهمها التكافؤ واحساس البنت إن زوجها من مستواها أو أعلى و إن يكون في بينهم تفاهم و اهتمامات مشتركة و لغة حوار غير مشاكل البيت و المصروف و الولاد و كمان علشان "" عقدة النقص "" عند الراجل الشرقي مشكلة كبييييييييييييرة جداااا و الله العظيم احنا مجتمع ذكوري و لازم الراجل يحس إنه الأحسن في كل حاجة ولو في حاجة حاسس إنه اقل فيها هيحاول يعوضها في حاجة تانية و يكسرها في مراته حتى لو محترم و متدين يعني يفرض رأيه عليها أو يستهزأ بيها لو في مناقشة بينه و بينها أو مع الناس علشان يرضي عقدة النقص اللي عنده و يحس إنه الأفضل أو يعايرها إنها خدته علشان مش اتقدم لها الأحسن !!! و كأنها غلطت لما وافقت عليه أو يحسسها إنه اشتراها بفلوسه و إن شهادتها ولا تسوى و احنا بلد شهادات و التعليم زي قلته و الكلام اللي أنا بصراحة و من الآخر بسميه قصر ديل و حجة البليد انا شايفة إن التكافؤ بجميع انواعه مطلوب لتكوين حياة مستقره وسعيده احتمال نسبة الاستمرار و النجاح فيها اكثر خصوصا التكافؤ العلمي والثقافي و غياب التكافؤ في الزواج بيكون نتيجته فشل و طلاق و العياذ بالله أو حياة مهزوزة و غير مستقرة و بيكون الضحية فيها الأبناء غير طبعا النكد و المشاكل المستمرة و الأمراض للزوجين .. ضغط , سكر , مرارة , قلب وووووو الموضوع للنقاش واحب اسمع ارائكم فى الموضوع دة ايه..؟ دمتم بود
عاشق الأحزان الإدارة
ساعة الأميرة عهد : عدد المساهمات : 1166تاريخ التسجيل : 14/04/2012الأوسمة : اوسمه (مهندس محمد مصرية )
: موضوع: رد: التكافؤ بين الازواج ..اهم عناصر الزواج الصحيح الأحد مايو 13, 2012 5:13 pm أحب أشكر الأول مدرتنا الرائعة فراشة أما وجه نظرى فى الموضوع ده هو إن يكون الإرتباط والجواز يكون على حب وثقة وطبعا يكون النسب كمان ده من وجهة نظرى
دنيا المديره العامه
ساعة الأميرة عهد : عدد المساهمات : 548تاريخ التسجيل : 29/05/2012العمر : 50الأوسمة : : موضوع: رد: التكافؤ بين الازواج ..اهم عناصر الزواج الصحيح الأحد يونيو 03, 2012 10:49 pm يعطيك العافيه والف شكر لك على طرحك الجميل والرائع ربي لايحرمنا جديدك .. ولاعدمناك دمت ودام عزك
حبيبى دائماً مؤسس المنتدى
ساعة الأميرة عهد : عدد المساهمات : 1915تاريخ التسجيل : 14/04/2012الأوسمة : أوسمة(أشرف على )
: شهادة تقدير( أشرف على )
موضوع: رد: التكافؤ بين الازواج ..اهم عناصر الزواج الصحيح الإثنين ديسمبر 09, 2013 11:42 pm ما كل هذا الابداع والتألق والتميز أرق تحية من القلب