منتدى عهد

منتدى عهد


 
الرئيسيةمجلة فراشةاليوميةس .و .جبحـثالأعضاءالمجموعاتالتسجيلدخول

شاطر | 
 

 ازاي أقدر أختار الملابس المناسبة لي علشان أكون في منتهى الشياكة؟؟

اذهب الى الأسفل 
كاتب الموضوعرسالة
البرنسيسه الدلوعة
عضو برونزى
عضو برونزى
avatar

ساعة الأميرة عهد :
عدد المساهمات : 164
تاريخ التسجيل : 17/05/2012

الأوسمة
 :
الأوسمة( البرنسيسة الدلوعة )



 :  

مُساهمةموضوع: ازاي أقدر أختار الملابس المناسبة لي علشان أكون في منتهى الشياكة؟؟   السبت مايو 19, 2012 11:58 pm

أكيد كلنا مع بداية الموسم الجديد بنبدأ نفكر في إننا نشتري ملابس جديدة، خاصة كمان إن المحلات مع بداية الموسم الجديد بتنزل تشكيلات هايلة من الملابس وطبعا مش بتقدري تقاومي الموديلات اللي نازلة جديدة وبتبتدي تنزلي وتدوري...
وساعات بتحتاري وإنتِ بتشري.. صح؟ وساعات تانية بتشتري ولكن المفاجأة بتكون إنك لما بتيجي تلبسي اللبس ده بتحسي إنه مش مناسب ليكِ، إما بسبب إنه مش مناسب لطبيعة جسمك أو إنه مش مناسب لطبيعية عملك أو سنك.. ومن هنا بتقعي في حيرة وتقعدي تسألي نفسك السؤال اللي بيحير كل البنات، وهو:

ازاي أقدر أختار الملابس المناسبة لي علشان أكون في منتهى الشياكة؟؟
علشان كده هنقول لك دلوقتي على شوية خطوات اللي لو عملتيها هتلاقي الإجابة على السؤال ده..
نشوف الخطوات مع بعض

الخطوة الأولى

اعملي جرد لدولابك

افتحي دولابك وقومي بعميلة جرد لملابسك وشوفي إيه الملابس اللي مش هينفع إنك تلبسيها الصيف ده نتيجة إنها دابت أو لونها اتغير أو إنها ضاقت عليكِ مثلا، وتطلعيها بره الدولاب وتتصرفي فيها بطريقتك...
أو خلّيها والبسيها في البيت أو اديها لحد محتاج وبكده تكسبي ثواب كبير..


الخطوة التانية

هاتي ورقة وقلم واكتبي

هاتي ورقة وقلم واكتبي الحاجات اللي إنتِ محتاجة ليها الموسم ده وشوفي إيه هي الألوان الجديدة اللي مش عندك علشان تشتريها المرة دي...
وخدي بالك إن في ألوان أساسية لا يمكن الاستغناء عنها في أي دولاب والألوان دي زي "الأسود" و"الرمادي" و"البيج "و"البني". وده لأن الألوان دي بيكون من السهل إنك تبدليها وتوفقيها مع عدد كبير من القطع الأخرى وده هيديكي فرصة كبيرة للتنويع والتغيير..
كمان زي ما فيه ألوان أساسية ماتقدريش تستغني عنها فيه قطع أساسية ماتقدريش إنك تستغني عنها في أي موسم والقطع دي زي الجوب على شكل حرف A أو البنطلون المستقيم متوسط الاتساع والجاكيت الكلاسيكي.
الخطوة الثالثة

النزول إلى المحلات
انزلي المحلات اللي إنتِ متعودة إنك تشتري منها ملابسك واختاري الألوان والأشكال المناسبة ليكِ وعلى فكرة عملية الشراء دي بقت بيتوقف عليها شوية حاجات زي مثلا:

أولا لون بشرتك:

ودي حلها بسيط جدا وهي إنك تجيبي اللي إنتِ هتشتريه وتقيسيه في المحل وتبصي لنفسك في المرايا وتشوفي إذا كان اللون ده مناسب ليكِ ولا لأ.
ثانيا طبيعة جسمك:

ودي معلومة كلنا عارفينها وهي إن "اختيارك الصحيح لملابسك هيساعدك على إخفاء عيوب جسمك"؛
ثالثا طبيعة شخصيتك وعملك:

يعني لو كنتِ شخصية جادة هتلاقي إن الملابس الكلاسيكية هي المناسبة ليكِ جدا، لكن لو كنتِ شخصية مرحة هتلاقي إن الملابس الكاجوال هي المناسبة ليكِ
كمان لو كنتِ طالبة أو طبيعة عملك بتتطلب منك الحركة باستمرار هتلاقي إن الملابس الكاجوال برضه مناسبة ليكِ جدا ومريحة كمان، وده على عكس لو كنتِ بتشتغلي في مكان رسمي فهتلاقي إن الملابس المناسبة ليكِ هي الملابس الرسمية.

البلوزات

اختيارك للبلوزة بيتوقف عليه حاجة مهمة قوي وهي "طبيعة جسمك"..

يعني مثلا:

لو كنت ممتلئة الارداف

يبقى ياريت تبعدي نهائي عن البلوزات القصيرة والطويلة قوي.. يعني من الآخر اختاري البلوزة اللي يكون نهاية طولها عند منتصف الأرداف..
وده لأن البلوزة القصيرة بتبرز جداً امتلاء المنطقة دي والبلوزة الطويلة قوي هتظهر المنطقة دي وكأنها عريضة أكتر من اللازم.

لو كنتِ ممتلئة الذراع

يبقى ياريت إنك تختاري البلوزة اللي يكون كمها واسع وطويل والكتف ساقط عشان يخفي العيب ده وعلى فكرة كمان الكم "الشارلستون" مناسب جداً وبيداري امتلاء الذراع.

لو كنتِ صاحبة صدر كبير

ودي مشكلة بتشتكي منها بنات كتير قوي وحلها إنك تراعي في اختيارك لون البلوزة إنه يكون غامق وتفتحي لون البنطلون من تحت..
وتبعدي نهائي عن البلوزات اللي فيها قصات من تحت الصدر أو فيها تطريز على الصدر أو تحت الصدر علشان ماتلفتش النظر إلى امتلاء المنطقة دي.
وياريت كمان تبعدي في اختيارك عن البلوزات المصنوعة من القماشات الخفيفة...

لو كنتِ قصيرة

بصي يا ستي لو كنتِ قصيرة يبقي ياريت إنك تختاري البلوزات اللي مقلمة بالطول وتبعدي نهائي عن البلوزات المقلمة بالعرض..
وابعدي عن البلوزات الطويلة "التونيك" واختاري البلوزات متوسطة الطول..

لو كنتِ ذات قوام مليان

يبقى ابعدي عن الأقمشة المضلعة خاصة في منطقة الوسط والأرداف لأنها تلفت النظر للمناطق الممتلئة في الجسم. كمان ابعدي عن البلوزات أو القمصان المنقوشة بنقوشات كبيرة وصاخبة أو مشغولة بكثرة من التطريز لأنها ستظهرك أكبر مما أنت عليه في الواقع خاصة النصف العلوي من جسمك.
لو كنتِ رفيعة

هتلاقي إن كل أشكال البلوزات مناسبة ليكِ جدا.

بالنسبة لموضة البلوزات اللي نازلة الصيف ده هتلاقي إن:
بالنسبة للألوان:

الصيف ده هيكون عندك فرصة كبيرة جدا للاختيار وده لأن فيه تشكيلة ألوان كتير قوي نازلة زي "الروز" و"اللبني" و"الأصفر" و"الأخضر و"البستاج" و"التركواز" و"البرتقالي" و"البني" بدرجاته بالإضافة إلى الألوان الثابتة زي "الأحمر" و"الأبيض" و"البيج".

بالنسبة للخامات:

مازال الكتان متربعا على عرش الموضة بالإضافة إلى إن الشيفونات رجعت تاني بقوة الصيف ده.. كمان هتلاقي البلوزات المصنوعة من القطن والجينز والحرير كمان موجودة موضة في الصيف ده.

بالنسبة للتصميمات:

هتلاقي عندك بلوزات بتصميمات مختلفة فهتلاقي مثلا البلوزة اللي فيها زراير من الأمام والبلوزات اللي بتكون فيها فتحة الصدر على شكل حرف V وكمان فيه بلوزات قصيرة وبلوزات طويلة على شكل تونيك"..
كمان هتلاقي البلوزات السادة والبلوزات اللي فيها شغل من الخشب أو الخيط أو الترتر…




الجوبات

الجوب من القطع الأساسية اللي أكيد لازم تكون موجودة في دولاب أي بنت بتحب إنها تدلع نفسها..

وعلى فكرة لبس الجوب بيدي إحساس عالي بالأنوثة وبيدي كمان مظهر في غاية الشياكة والجمال بس ده لو قدرتِ فعلا إنك تختاري الجوب المناسبة ليكِ على حسب طبيعة جسمك..

يعني مثلا:

لو كنتِ رفيعة

يبقى ياريت إنك تختاري الجوبات اللي فيها نقوش وشغل كتير زي التطريز مثلا أو اللي قماشها مشجر وابعدي نهائي عن الجوبات السادة.

لو كنتِ ذات قوام مليان

يبقى اختاري الجوبات السادة وابعدي عن الجوبات اللي فيها شغل كتير أو اللي قماشها منقوش لأنها هتبينك أكثر بدانة مما إنت عليه.
كمان خدي بالك إنك في حالة ارتداء الجوبات الجينز اختاريها خالية من الجيوب الكثيرة.
وبخصوص موضة الجوبات هتلاقي إن الصيف ده فيه تنوع في خامات الجوبات فهتلاقي الجوب المصنوعة من الجبردين والبوبلين والكتان بأنواعه وكمان نازل جوبات من قماش الشانتونج والحرير والدانتيل، بالإضافة إلى الجينز.
كمان نازلة قصات متعددة ومتنوعة بين الصك والإيفازية والكلوش..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاي أقدر أختار الملابس المناسبة لي علشان أكون في منتهى الشياكة؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عهد :: منتدى المرأة :: العناية بالشعر والبشرة-
انتقل الى:  
سحابة الكلمات الدلالية
بيانات خلفيات الترم مدرسة تحميل تدريبات الاول قاعدة