موضوع: علاج تضخم الثدى عند الرجال بدون جراحة >> ولكن ببعض العادات البسيطة السبت نوفمبر 10, 2012 7:27 pm
بصراحة قولت لازم اعمل التوبيك ده بسبب المتاهات على النت والكلام الكتير مره تلاقى علاج معين للمشكلة دى او وصفة معينه وبعدين تلاقى فى مكان تانى ان العلاج اللى انت شوفته ده مضر جدآ وبيسبب كذا وكذا وكذا ومتاهات كتير ومحدش عارف ايه الصح من الغلط مع ان الموضوع ابسط من كدا ومش محتاج كل الخرافات دى طبعآ نسبة كبيرة من الرجال بتعانى من المشكلة دى وخاصآ فى سن المراهقة وده بيتسبب فى انك مبتعرفش تلبس اللى انت عاوزه مبتعرفش تمارس بعض الرياضات زى السباحة بسبب الأحراج من شكل الصدر وبتأثر على الحالة النفسية لصاحب المشكلة .. بس اوعدك لو حطيت الموضوع فى دماغك شوية ها تتخلص من المشكلة دى بأذن الله مع شوية صبر واصرار بس مش اكتر .. وطبعآ بالنسبة للناس اللى بتفكر فى الجراحة فده بيكون كحل اخيــــــــــــــــــــر اعمل انت كل اللى عليك وفى حالة لو ملقتش نتيجة مع ان ده شبه مستحيل والجملة دى غلط جدآ يبقى ساعتها فكر فى الجراحة
ها نتفق على شوية حاجات بسيطة كدا مع بعض نمشى عليها وان شاء الله النتيجة تبان فى زمن قياسى اول حاجا اللى قالك ان لعب الحديد لعضلة الصدر ها يخلى شكلها اكبر لأن العضلة بتزيح الدهون ومبتتصلش اتصال مباشر بيها فا انت لازم تخس وتنزل الدهون اللى فى جسمك فى الأول بعدين تلعب حديد فالكلام ده نصه صح ونصه غلط
علشان تخسر الدهون الزايدة او الترهل الموجود فى الصدر سواء كنت ثمين او جسمك متناسق معادا الصدر ها نمشى على نفس الحاجات اللى هنتفق عليها ابدء بقى علشان شكلكم اتخنقتم منى .. مش حقولك امشى على نظام معين واليوم الأول تاكل كذا والتانى كذا والكلام ده لأنى عارف ان محدش بيقدر يستمر عليه ويشترى اكل معين لكل يوم ومحدش بيكمل فيه فى الأخر وبنزهق
بس كل اللى هقولة شوية ملاحظات كدا صغيرة وبسيطة 1 - لازم تقول فى نفسك انك يا انا يا المشكلة دى بمعنى اصح لازم تكون واثق فى نفسك وواثق انك كل يوم بتتحسن وها توصل للشكل المثالى اللى فى دماغك 2 - ابعد عن اكل الفراخ نهائى مسلوقة مشوية محمرة اى حاجاااااا فراخ لا لأنها اصلا سبب المشكلة دى عند معظم الناس اللى بيعانوا من الترهل فى الصدر خصوصآ جلد الفراخ 3 - اول ما تصحه من النوم على الريق وقبل ما تنام اشرب كوب قرفة بالجنزبيل - يفضل ميكنش فتله - + معلقة عسل ابيض وتدوبها فيه .. طيب ليه العسل الأبيض ؟؟ اولا بيحلى المشروب ثانيآ ليه دور كبير فى اذابة الدهون ثالثآ مش هيخليك تحس بدوخة اثناء الدايت 4 - قطع فص توم على جزئين او تلاتة على حسب ما تقدر تبلعة بكوب مايه على الريق - ده مفيد عامآ للتخسيس وليها فوايد كتيرة جدآ - 5 - احنا قولنا اول ما نصحة وقبل ما ننام كوب قرفة بالجنزبيل مع معلقة عسل ابيض طيب قبل الغدا ؟؟ كوب شاى اخضر بدون اضافة سكر او نصف معلقة او معلقة بالكتير 6 - نظام الأكل واللى احتمال يكون عليه شوية جدل بس انا هقولكم على تجارب شخصية لو قولنا مثلا :: فى اليوم الأول 6 ثمرة موز 2 فطار 2 غدا 2 عشا تانى يوم 3 تفاحات برده واحدة وواحدة وواحدة تالت يوم 2 زبادى على الفطار - بس نشيل الوش لأنه بيبقى فيه نسبة دسم كبيرة - والغدا بطاطسية مسلوقة بشوية كمون وملح - بدون زيت - العشا طبق سلطة وسط كدا يعنى انا مش بقول على نظام معين وهو الأكل ده وبس لكن حاول انه يكون بنفس الكميات دى ومحتويات شبيها يعنى غير انواع الفاكهه ماشى بس ابعد عن العنب والتين والمانجا ممكن قطعتين لحمة مسلوقة فى الغدا .. بحيث يكون عدد السعرات اللى داخلة الجسم اقل من اللى خارج وفى نفس الوقت ندى للجسم العناصر المهمة اللى بيحتاجها علشان منحسش بأى نوع من التعب او الضعف يعنى مثلا خصصت يوم للموز فقط لأنه فيه نسبة سكريات مش هتخليك تتعب تانى يوم شيلنا الموز خالص وحطينا تفاح بس لأنه ليه عناصر تانية مفيده جدآ فى التخسيس وللجسم عامآ اتمنى تكون الفكرة واصلة بالشكل المطلوب 7 - ها نمارس نوعين من التمارين واحد منهم اول ما نصحه من النوم قبل الفطار والتانى بعد الغدا بساعتين زى ما انت عاوز اول نوع من التمرين :: لو انت عايز تخس بشكل عام يبقى تمشى ساعة يوميآ انما لو عايز تخسس الصدر تجرى 30 دقيقة مع تحريك الذراعين وانا بفضل الجرى فى البيت فى المكان مع سماع الأغانى او الموسيقى المفضلة تانى نوع من التمرين :: بعد اول اسبوع من الدايت ابدء روح جيم وفهم المدرب انك عاوز تخس مش تبنى الصدر او ما تتكلمش معاه خالص وخش واعمل اللى هنقول عليه ها تلعب 3 تمرينات بس وقبل ما تبدء فى اللعب يستحسن يكون معاك بخاخة فيها خل التفاح وترش وتدلك الصدر قبل ما تبدء لأنه بيفتت الدهون العنيده وبيخليها اسهل فى الذوبان بس لو هتعمل كدا يبقى شرط اساسى تاخد دش بعد التمرين لتجنب اضرار خل التفاح على الجلد التمرين الأول :: تمرين البار المستوى لعضلة الصدر ها تلعب بوزن خفيف بحيث تكون بتشيله بسهولة وفى نفس الوقت مناسب يعنى مش خفيف اوى ها نلعب 25 تكرار فى 4 مجموعات وناخد 30 ثانية راحة بين كل مجموعة والتانية التمرين التانى :: نفس الكلام بالظبط بس المرادى البار العالى التمرين التالت :: اسمه تمرين التفتيح او فى تمرين تانى اسمه التجميع على حسب المتاح فى الجيم واللى اتنين مسئولين عن تحديد شكل الصدر وبرده ها نلعب 25 تكرار بوزن مناسب 4 مجموعات راحة 30 ثانية بين كل مجموعة ومجموعة اعتقد كدا التمرينات مش كتير ومش ها نتعب اوى اهم حاجا الأستمرار وان شاء الله النتيجة تبان من اول شهر .. طبعآ شهر مش مده قليلة بس دهون الصدر بتكون عنيده وبتاخد وقت على ما تذوب على حسب الحالة ممكن النتيجة تبدء تبان خلال شهر ولحد 6 شهور على حسب الحالة والشكل اللى انت عاوز توصله .
بشوية الحاجات دى باذن الله ميبقاش فى مشكلة وتقدر تلبس اللى انت عاوزه وتمارس الرياضة اللى انت عاوزها بس اهم حاجا علشان تنجح لازم يبقى عندك صبر وحماس وثقة بالنفس اتمنى اكون افدتكم
الأميرة عهد المديره العامه
ساعة الأميرة عهد : عدد المساهمات : 5629 تاريخ التسجيل : 14/04/2012
موضوع: رد: علاج تضخم الثدى عند الرجال بدون جراحة >> ولكن ببعض العادات البسيطة السبت نوفمبر 10, 2012 7:41 pm
محمد مصريه تحية معطرة بالورد أهديها إليك كم يسعدني دوما ان اري هذا الطرح الرائع الجميل فاعجز عن شكر على كل ما تخطه أناملك الذهبيه وما يتدفق من حبرك العطر سلمت يمناك ودمت برضا من الرحمن تقبل مرورى البسيط جنائن اآآآآلكادي لروحك اآآآآآلنقيه لك كل الود فراشة الإسكندريه
مى عضو ملكى
ساعة الأميرة عهد : عدد المساهمات : 208 تاريخ التسجيل : 24/12/2012
موضوع: رد: علاج تضخم الثدى عند الرجال بدون جراحة >> ولكن ببعض العادات البسيطة الأربعاء ديسمبر 26, 2012 9:08 pm
حروف مصبوغة بماء الذهب هنا كانت
وبرحيق الياسمين هنا فاحت ....
درر من حلل الجمال صاغها حبرك
حتى جبرنا على الاصغاء ...
علاج تضخم الثدى عند الرجال بدون جراحة >> ولكن ببعض العادات البسيطة
موضوع: علاج تضخم الثدى عند الرجال بدون جراحة >> ولكن ببعض العادات البسيطة 
