ازيكم عاملين ايه يارب تكونوا باحسن حال انا رغاية اوى صح
المهم انهارده هتكلم بقي عن موضوع مهم جدا
وهو ازاي بقي احنا ف مرحلتنا دي نهتم بنفسناا
اولا لازم لازم لازم اول ما تصحي تستحمي كل يووم قبل ما تنزلي المدرسة
عشان نكون نضاف كده ولا تحبي تقومي بعرقك بقي ف النوم
وتلبسي هدوم المدرسة وانتي مش حاسه بحاجه
بس اكيد الي قاعدين جمبك هيحسواا يعني ريحة العرق وكده
وطبعا ازاله الشعر تبدا مثلا من 14 سنه
وانا بعتبرها نضافه شخصية يعني تبقي بنوته كده مش راجل مليان شعر
سواء بقي سويت او براون او شوفي انتي بتستخدمي ايه يا قمر بس متكسليش وفي حاجه كده شري الامورة
واحده معانا ف المنتدي قالت عليها خلتني انا كمان مكسلش
يعني مثلا بعد الشر افردي عملتي حادسة او حاجه
والدكتور جه يجبس رجلك بعد الشر ولقي منظرها كده
هتبقي انتي عاملة ازاي
ع العموم ده مثل خلاني مكسلش انا كمان وحبيت اقولهولكوا
وبعد الشر عليكوا يا حبايب هارتي
دي اول حاجه النضااافه ولو انتي مش محجبة وبتقولي شعري
وكده يعني ممكن تلبس البونية علي شعرك
وتستحمي عادي بس لازم تسحتمي كل يوم علي قد ما تقدري
وممكن تجيبي كمان لوشن فازلين بالكاكاو
وده جميل جدا وبيرطب الجسم وهو ب 30 وف اماكن ب 26
وبعدين تلبسي هدومك المغسولة النضيفه المكوية
وتلبسي طرحتك وياريت عشان خاطري
بلاش الطرح الاهرامات الثلاثه دي
وفي طريقه تانية كمان اللي بتبمري الطرحه من عند خدك دي
مش حلوة يا بنات والله شكلها مش حلووووو نوهائي
مفيش احلي من البساطه
او اللي هي بتحطي الطرحه ع الكتف والتانية نازلة
والله دي احسن مليون مرة م اللي بتعملوها
وتلاقي دماغ البنت سفينه من ورا ومطخناها ليه كل ده
ع العموم ده رائيي وانا شايفه ان الطرحة السيمبل احلي واشيك بكتير
من اللي بتعملوهاا
اما بقي لو مش محجبة ف تسرحي شعرك تسريحة حلوة
وتلميه عشان شكلك هيبقي نضيف كده
بلاش علي جمب وتسيبيه مش هيبقي حلووو خليه للخروج احسن
وبعدين بقي تحضري شنطتك تحطي سندوتشاتك ومناديل معطرة
عشان تمسحي ايدك بيها قبل ما تاكلي
وخدي معاكي مناديل عادية عشان لو جالك برد ولا حاجه
واحنا ف الشتاء
وقبل ما تنزلي تحطي الصن بلوك بتاعك وعلي فكرة ده مهم جدااا
للي بيمشوا يعني للمدرسة عشان اشعه الشمس
وخدية معاكي المدرسة عادي ده صن بلوك مش ميكب يعني
وده بيحمينا من اشعه الشمس وبيوحد لون بشرتنا
وادي صورته عشان لو اشتريتيه وفي انواع
وتغسلي سنانك كووويس
وتحطي زبدة كاكاو بيضااا اكررر بيضاااا هاا
عشان شفايفك متبقاش متشققه كده وشكلها مش حلو
وياريت لو حاطه اكلادور ف ايديك وشكله متقشر وكده
بسرررعه ع الايستون وابردي ضوافرك كلها نفس الطول
ونضيفهاا
وياريت تصحي بدري شوية يعني متصحيش قبل المدرسة ب 5 دقائق
وتنزلي شكلك مبهدل وطبعا هتعمل الطرحة مش حلوة او هتسرحي شعرك اي كلام
لا اصحي بدري كده علي رواااقه واشربي كوباية عصير كده
تديكي طاقة وساندوتش عشان البريك مش بيبقي م الحصه الاولي
ده ع الاقل 4 ساعات عبال ما تفطري
وياريت ياريت بلاش ميكب ف المدرسة او بلاش ميكب احسن
عشان بجد المنظر بيبقي فظييييع والله
كحل وروج وبودرة بتبقي حاسه انها رايحة كبارية
وطبعا بتسمع تهزيق من كل حته
طب وليه من اصله احنا ليه نحط ميكب دلوقتي وبنبوظ وشنا
طيب هترجعي من المدرسة طبعااا متبهدلة بقي ومحتاجة دوش محترم
فهتاخدي الشاور بتاعك بسررررعه وتشوفي بقي اللي وراكي
او تنزلي الدرووس وكده
يعني لو تقدروا مرتين ف اليوم تاخدوا شور يبقي ميه ميه
يارب يا زهوراتي موضوعي يعجبكم وحتوحشووني
ف امان الله ,,,
نفسى اسمع ردك الجميل مرة تانية على الموضوع ده يا فراشة الاسكندري