بحبك يا مصر
وبعشق ترابك
والف المداين
وارجع لبابك
واحس بكيانى
وكرامتى ف رحابك
يقولوا فقيره
يقولوا اسيره
بشوفك اميره
واحبك يا مصر
ولادك بنوكى
بروحهم فدوكى
ويشهد عليهم ترابك فى سينا
فى ارضك سرحت
فشلت ونجحت
وعشت ببساطه
صاحبت الحمام ونمت ف سلام
تغير فى شكلى همومى ومشاكلى
لكن روحى لأ
اعبر بغنوه واقول نكته حلوه
لكن يأس لأ
وقلبى المسالم مايعرف شماته
واقول بالتلاته
بحبك بحبك بحبك يامصر