موضوع: ازاى تعرف المصرى من بين 1000 واحد ؟؟؟ الأربعاء يونيو 26, 2013 2:16 am
- لو سألت سواق تاكس على عنوان وبدل ما يدلك قالك امشي ورايا .. يبقى مصري. ... وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...
- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري
- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
-و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض .. هم دول المصريين
- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر
- لما تلاقي سيدة في الرايحة والجاية عمالة تدعي لأولادها وتخلى الدنيا تدعيلهم... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين
- لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى ده مصرى.
- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى. -لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي أكيد مصري ابن مصري
- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري
- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة يبقي مصريين علي حق
- لما يكون عنده ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين و في الخلال الساعه دي يعزم عليهم انهم يبيتوا ثلاث اربع مرات
- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات ويضحك اللى حواليه وكل العالم يتكلم عليه وعلى خفته يبقى انت اكيد تقصد ... شعب مصر....
بحبك يامصر اللهم احمى مصر واهلها من كل مكروة وسوء
الصقر الجريح عضو متميز
ساعة الأميرة عهد : عدد المساهمات : 123 تاريخ التسجيل : 23/05/2012 العمر : 57
موضوع: رد: ازاى تعرف المصرى من بين 1000 واحد ؟؟؟ الإثنين يوليو 08, 2013 7:29 pm
من روائع الى اخرى
ومن ابداع الى ابداع
هكذا انتِ متجددة التميز و متواصلة التألق
شكراً لهذا الموضوع الجميل الذي نقشته لنا اناملك الناعمات
حبيبى دائماً مؤسس المنتدى
ساعة الأميرة عهد : عدد المساهمات : 1915 تاريخ التسجيل : 14/04/2012
موضوع: ازاى تعرف المصرى من بين 1000 واحد ؟؟؟ 
