مــــوال الصبـــــر
يا مقسمين الافراح فين نصيبى أنا
العمر عدى وراح..مقابلش يوم الهنا
داير غريب سواح..أبكى على حالى
إتشمتوا فيا العدى .. وفرحوا عزالى
لا يوم نسينى الهم..ولا إتصلح حالى
يادنيا ذنبى أية .. وليه معندانى
كل ماأمشى طريق..أرجعه من تانى
مكتوبلى أجافى النوم..والدمعة كويانى
قمرى بكى لحالى..ونجومه سمعانى
والقلب جرحه كبير والصرخة وجعانى
يادنيا مالك صاحب.. قاسية وظلمانى
بدعى وأقول يارب..صبرنى على حالى