همسات الصابر

يامصاحب القلم
===========

يا مصاحب القلم
خلى ليك عنوان

القلم غدار يا صاحبى
ده ملهش امان

ان كتبت بيه
خد بالك بيكتب ايه

وساعة الايحاء
اكتب وكون حساس

بلاش تخوض
فى عرض الناس لو تعلم

وأكتب ياصاحبى
عن اللى يفيد الناس
=====

يا مصاحب القلم
دة طريق توهان

فى الصحرا
يزرع بستان امل

والبستان يخليه
احجار ورمال
0000
نظرته
مش دايما حقيقه

كلامه
تلميحات والغاز

اللى يفهم يرتاح
وقليل الفهم يحتاس
====


يا مصاحب القلم
انت مسئول عن اخطائه

يكتب قلمك
وانت تقع فى شر اعماله

ولو قلت
هوه اللى كتب وانا برىء منه

يقولولك ده قلم
لافيه عقل ولا ليه احساس

وبسببه هتبقى انت
مدان فى نظر الناس

====
الصابر

دقت طبول الهوى
==========

دقت طبول الهوى ........... نزل القلم يرقص
رقص كتير فى الهوى .......... وهوه متغندر

الناى كان غيران منه ........ قال مش هعزف
قصده يشوفة حزين ......... لايغنى ولايرقص

قال الناى للقلم ............ فيك ايه يزيد عنى ؟
لولا صوتى ........... مكنتش فى يوم ترقص

عامل كبير ............. وانا فى الاساس عمك
صوتى معاك اتنبح ........... والكل صفق لك

احتار معاه القلم ........ وقال ياناى ليه تعند ؟
انتى لولا الهوى ........ فى الارض راح تقعد

بكى القلم وناح .............. بعد ماكان يرقص
دخل جوه الناى ................ بده ياناس يخنق
==
كروان فوق فى السما ........ شاف القلم يبكى
نادى الطيور من السما ..... جات للقلم تجرى

وقال للقلم سيبك من الرقص ..... تعالى غنيلنا
الليله ليلتك ياقلم نسهر معاك .... ونعجن الحنه


سيبك من الناى ......... لانه صوت بلا معنى
انت مش للرقص ......... انت مخلوق للمغنى

==========
تحياتى للجميع
كلمات / الصابر

ياطبيب القلوب
====

ياطبيب القلوب تعالا شوف دوا لقلبى
علتى ساكنه فى الحشا والنوم خاصمنى
العين شارده فى النظر ولا فيه حد فاهمنى
بدارى عن الناس بلوتى وعامل نفسى متهنى

ياطبيب القلوب انا قلبى غير باقى القلوب
قلبى عاصى من الذوب املى انى يوم اتوب
قلبى عمره ماشاف يوم فرح دايماَ يعود مغلوب
قلبى عمره ماكمل طريق دايما نايه جوه الدروب
َ
تعالا ياطبيب وهات معاك كام طبيب
تعالا ياطبيب هات معاك الدوا والطيب
د انا حالى صعب على العدو قبل الحبيب
وبلاش تقول على علتى انها قسمه ونصيب


تعالا ياطبيب وانا اقولك سبب مرضى
تعالا احكيلك على اللى جوه القلب متخبى
بقالى سنين ياطبيب بلا أنيس عايش لوحدى
ويوم ماجانى الحبيب زادت جروحى وزاد مرضى


تعالا وهات معاك دوى يشفى الجروح
تعالا وهات معاك دوا يقدر يمسح الدموع
الحظ دايماّ عدوى الحزن فى القلب مزروع
تعالا ريحنى خايف يوم اموت عاصى بالذنوب

تعالا وهات معاك دوا يرجع المحبوب
قلبى جرحه الهوى قلبى مشتاق يوم يتوب
تعالا ياطبيب صارحنى قوللى على كل العيوب
تعالى ريحنى القلب خايف يوم يموت قبل مايتوب

يارب ياموجود انت عارف علتى ودوايا
ان فشل الطبيب اشفينى انت ياسامع ندايا

بدى اغتسل من ذنوبى بدى أعيش كأنى اّيه
بدى اكفر عن ذنوبى بدى تكون ياربى دوايا

======
تحياتى لكم
كلمات / الصابر

سألونى عن الدموع
========

سألونى عن الدموع رديت
انا اللى من الدموع مليت

شكيت وبكيت وبدموعى رويت
جرح الزمان اللى خلانى اقول ياريت

ياريت عمرى ما شكيت
ياريت عمرى ماحسيت
ان العيون فيها دموع
ياريت ما قلت ياريت

ويوم ما تقول ياريت
لازم تكون بكيت
وياريت هيه الندم
ياريت هيه الاهات

والدموع تجرى ع الخدود زى السحاب
ماشيه تحفر فى الخدود حروف العذاب

يللى انت عايز تعرف معنى الدموع
راح تلاقيها فى عيون كل مظلوم

راح تفهمها فى دموع اليتيم
راح تشوفها فى اهة جريح

راح تلاقيها فى عيون صبيه
ضحك عليه ديب

راح تلاقيها جوه عيون بريئه
بعد خراب البيت
......

على قد مرار الدموع فيه دموع حلوه
العين بتدمع وجواها اجمل بسمه

هيه دموع اللقا للأحبه من بعد خصام
هيه دموع الفرح يوم ماتموت الاحزان

هيه دموع الانتصار من بعد الهزيمه والعار
هيه دموع الشفا لمريض طال بيه الانتظار

هيه دموع التوبه للى كان خاطى وتاب
هيه دموع الاسير يوم مايرجع للاحباب

الدموع تحكى قصص كتير ياناس
واللى عمره مابكى عايش بلا احساس

واللى مايبكى على شعور الناس
مش هتبكى عليه فى يوم الناس

======
قلم / الصابر

احكى ياشهريار
========

القلم سلطان ....... مملكته من حروف الكلام
يأمر الحرف . يطير ع الحرف . يقول موال

حرف يشد حرف ... الاتنين يبكوا بدمع الاه
حرف مكسور. لغيره مجرور . اسير حيران

حرف ساكن . تشوفه كأنه نايم . وحيد دبلان
حرف مفتوح . مليان بالخوف . وفوقه ثعبان
.....
نادى القلم ع الحروف ....... جه يوم الزفاف
عروسته ورقه جميله ......... بياضها شفاف

جات العروسه ....... خاضعه ذليله لشهريار
قالت للقلم .... يلا ياملك أكتب حروف الغرام

نادى القلم على الحروف ..همه شهود الغرام
نادى على شيوخ الكلام ... لاجل تعقد القران

خط القلم بسن الاَلم ...... بكلام جميل ولا نام
الحرف همزه .... الكلمه لمسه .... فيها حنان

خط القلم . داس القلم . خلصت سطور الكلام
ماتت شهرزاد .... ولسه .. ماخلصش الكلام
........
......

نادى القلم ............ قال هاتولى غيرها قوام
انا لسه باقى عندى ........... كتير من المداد

طارت اليه ورقه ..... من اللى بيحبوا الكلام
قالتله ...... يلا أحكى قول براحتك ياشهريار

الورقه كانت كبيره ....كانت عطشانه للكلام
كتب فيها كتير وتعب ..... نام فوقها شهريار

ضحكت الورقه الخبيسه ....... على شهريار
سطورها باقيه كتيره ....لكن .... شهريار نام

طارت من تحت منه ...... راح وقع شهريار
وقع على الارض ..... لانه فاضى من المداد

ضحكت شهرزاد .... قالتله روح هات المداد
وبكره ياملك تعالا ..... نحكى ونكمل الكلام

ضحكت شهزاد ...... طارت مطرح ماجات
وادرك شهريار الصباح . نام من غير المداد

========
قلم الصابر

حلو وكذاب
=======

حلو وكذاب .. وطريقه عذاب ليه حبيبته
؟ ؟ ؟

شغلنى معاه . علمنى الاه ليه بس ناديته
؟ ؟ ؟

...... ....... .......

شغلونى عنيه عشقت هواه وليه يخدعنى
سابنى محتار بين جنه ونار وانا ايه ذنبى

اتاريه مغرور وكان مسرور لعذاب قلبى
مش يبقى حرام اسهر وتنام ياحبيب قلبى
.........

حبيبى ياكذاب . ليه بس ناديت على قلبى
انا كنت فى حالى عايش لوحدى ومتهنى

مين دلك على قلبى مين اللى قلك تشغلنى
مين ياحبيبى اللى قلك .. بالهوى تلاعبنى
..........

مين دلك على العنوان ايه قصدك فهمنى
انا فهمتك خلاص وصعب عليك تفهمنى

غشيتنى فيك ولأول مره اّلوم على نفسى
عملت طيب معاك وعرفت فعلاّ تخدعنى
........

نصيحه منى . أياك تعملها مع ناس تانى
فيه قلوب ... تسايرك على كذبك يا أنانى

وتلاقى نفسك ... انت الغرقان يامعجبانى
ومن جروح الهوى . تفضل تبكى وتعانى
..........

عملت حبيبى .. وافتكرك نصيبى ودنيتى
عملت صديقى . وافتكرك حقيقى بتودنى

اتاريك كذاب . جاى بس عشان تلاوعنى
فاكرنى عبيط .. وتقدرتلعب بىّ وتخدعنى

برافوو عليك ... قدرت فعلا بيك تشغلنى
مش هلوم عليك ... انا دلوقت بلوم قلبى
..........

حبيبى ياكذاب ..... قفلت الباب يلا أمشى
مهما هتقول ..... فهمت هواك يامحيرنى

بلاش اوهام .... وكلام كذاب ليه تظلمنى
نصيحه لله ..... ابعد وبلاش انك تجرحنى
.........

كذبك بان .... فهمت خلاص ليه بتشغلنى
وانا مسامحك .... وبطلب منك تسامحنى

ومش هاعاديك ... ولاهيدعى عليك قلبى
وأقولك وانصحك ... خليك بعيد عن قلبى
.........

دنا قلبى فى نار ... هتحرقك ولا تحرقنى
بلاش تلعب بالنار ... وابعد بقه عن قلبى

شوفلك كذاب ... زيك ياعذاب وابعد عنى
شوفلك ناس تقبل تنداس وامشى وسيبنى

=======
كلمات قلم الصابر

السلام عليكم ورحمة الله وبركاته

يسعدنى ويشرفنى ان اقدم لكم ما خطه قلمى فى شهر مارس 2005 ونشر فى احدى
المجلات الغير دوريه 00 بسبب ما نشرته صحف الغرب اللعين من اسائه للرجل
الصادق ألامين والرسول الكريم
عليه افضل الصلوات والتسليم
===================================
== عذراّ ايها الصادق ألامين ==


أهانوا .......... ذا ألخلق العظيم ومكروا
أسائوا أليه ............. وأبوا أن يعتذروا

بفكر شيطان وريشة حيوان ..... رسموا
ومن حقدهم ..... أعادوا رسم ما رسموا

أحفاد خنازير.. مهما تطهروا أوأغتسلوا
أنداد شياطين ... مهما أعتلوا أو أرتفعوا

أرادوا لنا فرقه فأختلفوا حول ما رسموا
أرادوا لنا فتنه ... فبألنار هم من أحترقوا

نصبوا شركهم ......... لاصادوا ولاربحوا
بخوا سمومهم .......... لافطنوا ولاعقلوا

الشيطان ربهم ....... له صلوا له سجدوا
ألنار مثوى لهم ........... جزاءّ لما فعلوا

هم ليسوا اتباع موسى . وأليه لا ينتسبوا
هم . ليسوا أتباع المسيح وأليه لن يصلوا

الله أكبر .................. فوق كيد ما فعلوا
الله أكبر ............ يمحوا رسم مارسموا
========
دمتم فى ايمان وامان الله
الصابر

يا أوائل انت مين ؟
=====

يا أوائل انت مين ؟ وليه ماظهرتش من سنين .. ؟
يارب تكون خير .......... يارب تكون طريق جديد

يا أوائل ياأخر طريق تقدر تقوللى نهايتك ايه .. ؟؟
طول عمرى عايش لوحدى شكوتى لقلمى الحزين

كنت بكتب كما اريد ... ان كان فى الدنيا ولا الدين
لافيه حد شايفنى .... ولا فيه علىّ عيون أو رقيب

والورق مقدور عليه ومصيره المزبله أو الحريق
خايف من هواك يانت ... يهل وجايب معاه زعابير

وبالقلم أصبح مدان ..... وممكن كمان اطلع عميل
وكالعاده ممكن اتظلم .... وشوشو يجيب الف دليل
$$$$

$$
$

سألت عقلى قلت له انت فين؟ وياترى رايح فين ؟
رفض الجواب على سؤالى ... زود فى قلبى الانين

ياترى ياوعد يامكتوب .. اخر رحلتى هتكون ايه ؟
يارب ايه حكمتك ... ؟ يارب اكشف اسرار الطريق

اتعشم فيك يارب بالخير ..... انت تعلم انى ضعيف
اتعشم فى الاوائل بالامل .... اللهم اجعل فيه الخير

واشوف السعد بالقلم ..... اللى عاش العمر حبيس
وكلامى يكون اسمك ياربى فيه .... ويشوف النور

ولايؤل يوما للخطأ ...... انت تعلم ياربى ماذا اريد
سنين طويله مضت ....... كان الحزن هو الطريق

حياتى صمت مع وحدتى ...... وقلمى يقول ترانيم
حياتى همس مع نفسى ...... وقلمى بالحزن يسيل

حياتى غربه حتى مع أهلى ..... ونهارى دائماّ ليل
احترت انا فى امرى ...... انا مين ؟ ورايح فين ؟

$$$$
$$

$

ياوعد يانصيب انا مجهول .. ومش عارف انا مين
ولاعارف انا تبع مين ؟ كل قوم قالوا علىّ غريب

ياقلمى ياسبب كل الاّم .... مخبيه ايه لىّ السنين ؟
اللى ظهر منها كفايه .... الحمل ياربى اصبح تقيل

ياقلمى يامجنون .... كفايه انت السبب لكل الهموم
بفكر فى يوم اكسرك .. وأطفش تانى الى المجهول

يارب لاتتركنى فى متاهاتى .. وكن بى ياربى حليم
انصرنى ياناصر . انت وحدك ربى يا علام الغيوب

يارب كثيرون قائمون علىّ .. فكن لى ياربى حفيظ
يارب لاتتركنى الى ذاتى .. الاماره دوماّ بكل سوء

يارب لاتتركنى لظنونى .. وعرفنى ما هذا الطريق
ان كان خيراّ اعيننى . وان كان شراّ ابعده ياحبيب
======

تحياتى لكل اسرة الاوائل
الصابر

حبيبتى
===


يامن كنتى بالامس اللىّ تشتاقى
وتقولى ياحبيبى انت زادى وهوائى

حين ترينى تميلى علىّ وتزيدى
أنت حبيبى لك أشواقى وكل حنينى

كلمة يا حبيبى كنتى بها تتغنين
واليوم اراكى تتناسى ولاتتذكرينى

لقائنا المبدوء باللهفه والحنين
وعشقنا الذى تغنى به كل العاشقين

... ... ...

انا لن استطيع النسيان كيف انتى استطعتى
انا أحن الى الاشواق فلما على قلبى جفوتى

هل انا خالفت ميعاد تكلمى أجيبى عن السؤال
انتى تعلمي أنى لكل ميعاد قلبى كان له مشتياق

كان حبى لكى اسطوره من اساطيركل العشاق
كيف اصبح حبك لى دربا من الجنون والخيال

... ... ...

فهل كان حبنا يعيش وينمو فى الظلام
هل عليه النهار صار دروبا من خيال

فأن كان الحب يوزن فزنيه بالميزان
كى تعلمى كم احبك وكم كنت مشتاق

احببتك ياحبيبتى بعقلى وقلبى ولسانى
قلبى يحبك ولسانى يشدو لكى الالحانى

احببتك وقلت انتى خاتمة كل الامانى
واراكى الان تريدى وداعى ونسيانى

لذا سأرحل وحبك يسرى فى وجدانى
سيكون ذكرى حتى تعودى لاحضانى

==========
الصابر

السلام عليكم ورحمة الله وبركاته
=======


قالوا

== لايستقيم الظل مادام العود اعوج





وقالوا


== الحياه بنيت على العدل ولا ظلم هناك وكما بضمر الانسان فى داخله تسير حياته على الارض
==========





واقول


== ان ظننت فى شقيقك شراّ تدخل ابليس اللعين بينكما وهيأ لكما الملعون طريق الخصام والشرور



== وان ظننت فى من يعاديك خيراّ تدخل الله الودود بينكما وهيأ سبحانه لكما طريق الموده والسرور

===========================


قالوا


ليس بأنسان ولاعاقل من لا يعى التاريخ فى صدره


ومن يدرى اخبار من قبله اضاف اعمارا الى عمره
======




واقول

== ابحث وفتش عن كل مكتوب ان عاندتك كلمه وصرت لاتفهم لها معنى



== لاتسأل بشر فى هذا الدهر لان الكل سوف يجيب لك حسب مايحب ويهوى وفى الحب لاتتساوى القلوب



== لذا ابحث وسوف تجد الجواب مكتوب فى الكتاب والكتاب له الف باب وكل باب يحوى الف فصل وكل فصل يحوى اقسام عددها بعدد نجوم السماء



== ويموت الانسان وقد لايستطيع ان يبلل طرف اصبعه من شهد الكلمات

==========================
قالوا

ماخاب من استشار


وماضل من استخار
=====




واقول


== ان استشرت فأستشير الله ولا تستشير غيره سبحانه لانه موجود فى داخلك وهو معطيك الحياه


== وتوجد صلاه وضعها الله لك خصيصاّ يامن تريد ان تستشير حتى لاتضل بقولاّ من كاذب او منافق اواسرائيلى خبيث



== استخير الله ربك ان حيرك امر ما عنده سبحانه ستجد الحل والجواب
ألا تعلم انك ان ناديت الله لبى لك النداء وقال سبحانه لك .... لبيك عبدى
=====

دمتم فى حفظ الله
الصابر

بعيد عنك
====

بعيد عنك مقدرش اعيش
وازاى هعيش من غير اليف

حياتى معاك عمرها بيطول
والقلب ليك مشتاق وبيقول

مقدرش اعيش
بعيد عنك
$ $ $

ابص فى سمايا وانا بالليل
لا شايف قمر ولا نجوم

ياريتك معايا تيجى وتشوف
حياتى اللى اصبحت بكا ودموع

وان وحدى بعيش
بعيد عنك
$ $ $

تعالى خدنى قرب انده لى
تعالى دانت واحشنى

متسيبنيش استنى بكره
وأعيش احلامى فى جفاك

بييجى بكره زى النهاره
من غير نظره اوحتى سلام

ما تسيبنيش لاتعود اعيش
بعيد عنك
$ $ $


خايف من كتر الجفا
قلبى يتعلم يجفى عليك

خايف من كتر الدموع
قلبى يتعلم يقسى عليك

ساعتها حتى ان جيت
لحد الباب وناديت

مش هشوفك ولا اسمعك
خلاص بقه قلبى جفى حبك

وقدرت اعيش
بعيد عنك
$ $ $

مع تحياتى
كلمات / الصابر

بحاول اكتب خليجى مع مصرى وياريت افهم

وياريت كل اللى يقرأ برضه يفهم
=================


بنت الاصول
=========

ياغلا عمرى ......... هلا

ماتدرى ايش سوا بى الهوى ؟

انت مرادى وكل اشى

ليش تقسى على قليبى انا ؟



مرقت امامى هالحين

ريتك كنك حزين

دق قلبى بكت العين

حن قلبى عليك وبكا

قال ليش رأيته الحين ؟

ليش رأيته حزين ؟



ياغلا عمرى .... هلا

هلا بيك وفيك يا كل المنا

عيون قلبى شايفه فيك الهنا

كان بدى تهنينى مابدى حزن

ريتك حزين صعبت ع قلبى انا



انا بدى منك هّنا

مابدى دموع وضنا

ما بدى تحكى ع الجروح

بدى تحكى
يا حبيبى لى انا



بحكى عنك حبيبى

وحقيقى الحب دق

على قلبى انا


احكى انت حبيبى

قوللى انت نصيبى

قوللى امتى يوم اللقا

تعال قلبى حبك

تعال احكى لى انا



لو كنت خجلان مابزعل

بدى الكلمه منك تطلع ياغلا

انت صرت غلا ..ياهلا

ليش خجلان منى انا ؟



احكى لادارة المنتدى

ابوى هناك يحكى معاك

ياخد ويدى فى الكلام

قوله القصيد والغرام

احكى وما تخشى ملام

هو لينا الكبير هو امير الدار

وكل الصبايا هنا

بيقولوا اميرنا بيحبنا

وهو ولى امرنا



ياغلا وين رايح هالحين ؟

خليك شوى لاتمشى حزين

بدى احكى تعالا قرب علىّ

تعال حبيبى
ضع راسك على صدرىّ

انا احميك
وانت تكون الحمايه لىّ

تعال ماتخجل تعال يا غلا



ياهلا بيك ....... ياغلا

تعرف حبيبى ايش سويت ؟؟

انا مابغلط
ولا خبى شعورى ان حبيت

انا ما خبيت
قلت لابوى وعنك حكيت

قلت لابوى عن حبك

قلت بريدك انت
وما ريتك وما قابلتك

ضحك ابوى
وقال يازمن عجبك

ضحك وقال
يازمن والله عاتبتك



ومرقنى بنظرة عين

كانت عندى كما السكين



ياغلا ......
ليش ماتيجى لابوى

والله ابوى منتظرك
وعلى لسانه هلا

ياغلا..
باب الدار ليك مفتوح

يللى فتحت قلبى انا



ياغلا امنيتى فيك

انك تبقى حبيبى انا

بالله عليك ماتتعلى

وتبقى سبب لعذابى انا


ليتنى اقدر ؟
اروح انا وابوى الدارك


وان قلت لابوى هيك
اصير قتيلة غرامك


ياغلا ... هدا اّخر مكتوب

وهو رساله منى تقر
بحبى انا ... ياغلا


يا غلا لو ماجيت

انت لباب البيت

انسى انك فى يوم

تعرفنى انا



وشوقى ليك وكل مشتهيت

هنساه حبيبى هنسى ماحكيت


ماحكيت كان حبر وورق

صحيح قلبى منه اتحرق

هام معاه ولاخاف من غرق

من غير مايفكر فى لوم او ندم



لكن حبيبى ....
كل شى وله غرض

ومجهول الهدف مابريده
يرحل عنى انا



تبغى الحلال ... ياهلا ياغلا
قدومك لدارنا يوم المنا


تبغى الحكى والكلام
انا ماريتك مابدى اعرفك

ولا بدى عيونى تراك

واقطع كلامك معايا انا

===========

ربى اوجد فى القلوب حب النقاء

بلا خديعه وفى النور

تكون بدايته نور

واخره يارب مأذون


===========
تحياتى للجميع
قلم الصابر

دنيا حظوظ
=======

قاله خطى ولا خطك
قاله عيب ياصاحبى
قول حظى ولا حظك

دنيا حظوظ فيها المحظوظ
وفيها المتعوس

دنيا حظوظ مش عايزه كلام
لا بالخط ولا بالعلام

دنيا حظوظ دنيا بتدور
بشهاده مسروقه تبقى دكتور

دنيا حظوظ وفيها الغش
واللى معاه الحظ هو اللى بيقش
واللى معاه الحظ يقول للملك كش
والمنحوس يجاوب صح ولا ينجحش

دنيا حظوظ ومش بالخط
ولا كل من خط ع الورق
يقولوا عليه كاتب

دنيا حظوظ ومش بالقلم
ولا كل من مسك القلم
يقولوا عليه شاعر

ياما فيه كتب فى السوق
لمشاهير ليها حظوظ
تقرى كلامهم تقول
سبحان ربك الرازق


وياما فيه ع المصطبه ناس
قاعدين يقولوا موال
من غير قلم ولا كراس
تسمعهم .... تقول الله


دنيا حظوظ اقسم بالله
واللى معاه الحظ تلقاه
طالع فوق جايه معاه
نازل تحت برضه معاه


الله ع القلم لما يكون محترم
وياعينى على صاحبه لما بيه يتزل

الله ع القلم لما يكون موهبه
وياعينى ع القلم لما يمسكه الندل


فيه كاتب القلم رفعه
وفيه كاتب القلم حبسه

وفيه اللى بالقلم رسم طلاسم
ولبس طرطور وعمل ساحر

اكتب وقول ياقلم
وبلاش تبوح بالسر

اكتب بدون تشكيل
وبلاش تزهى الخط

اكتب ياقلم رساله للسيد حظ
قوله وحشتنا ابقى علينا طل

لو رد عليك الرساله تبقى فرجت
وان طنشك نادى عليه وقوله طظ

==========
الصابر
كلام قلم تايه مع الايام

هسيبك للزمن
======

ما تلمش علىّ ............. ومهلومش عليك
لوم زى انا ما بلوم ........ لوم على الزمان
اللى جمعنا فى يوم

هنت علىّ ............... زى ما هنت عليك
وخنت حبى ......... وظلمت قلبى اللى كان
ملكك لوحدك فى يوم

$$$$$$

هسيبك للزمن ............. مش هظهر الالم
وعمرى ما هعتب عليك مهما تعمل او تقول

هسيبك للألم ............... راح تعرف الندم
كفايه اللى شفته ..... كفايه علىّ لوم العزول

$$$$$$


هسيبك للى .................. بيدور ويجرى
هعرف انسى ......... هقدر اجى على قلبى

هنسى حبك ........... اللى فى يوم غدربى
هنسى اسمك ............. هفتكر بس نفسى

$$$$$$$

يللى حبك كان ................. قدر مكتوب
فات وعدى ............ وقريت انا المكتوب

وعرفت ان فيه ....... فى الحب كتير
عايشين على وهم ....... وحلم حزين

اهه انت منهم ............ ياظالمنى
اشتريتك ................ رحت بايعنى

وادينى سبتك .......... للزمن
وعمرى ...... ماهظهر الالم
======

كلمات / الصابر

منتدى الاوائل
=====


منتدى الاوائل يامدرسه ....... فن وذوق وهندسه
مديرك راجل حكيم .......... عارف يدير المدرسه

% % % % %

% %

%

شعارنا هو الادب كلنا اخوه .. قلوبنا على بعضنا
أصبحنا عيله وبيت للعرب .. الشهامه من طبعنا

% % %

% %

%

لانسىء لحاكم ولاوطن الدين لله والوطن لينا كلنا
الدين لله سبحانه .... كل بلاد العرب وطنا وفخرنا

% % %

% %

%

شعارنا نبنى بالكلمه وطن .. شعارنا يرجع مجدنا
تعالوا ياكل العرب ... تعالوا هنا يلا أدخلوا عندنا

% % %

% %

%

كلامنا نابع مننا لاهو ملطوش من هنا أو من هنا
لو نقلنا موضوع جميل بنقول لمين ده هو طبعنا

% % %

% %

%

مسموح بكل الكلام الا الغلط ملهوش مكان عندنا
اللى يغلط أو يسىء ينذر وبعدين يطرد من عندنا

% % %

% %

%

ايميلنا هو سرنا .. نعلنه اذا طلب مننا واللى تقابله
مشكله يعرضها على الاداره وأى مشكله هتحلها

% % %

% %

%

اداره ومشرفين واعضاء اسره واحده مع بعضنا
شروط الاحترام والادب ..... مفروضه علينا كلنا

% % % % %

بالكلمه الجميله هنبنى منتدى تفخر بيه مصرنا
كلمتنا بأذن الله راح ترتفع وتكون فخر لينا كلنا

=====
مع وافر تحياتى وعظيم احترامى

الصابر

الحلال والحرام
======

الحلال ................ يحلى بالحب والاخلاص
الحرام ................... يحلى بزينة الشيطان
==
الحلال ........................ كلمه فيها ذكرالله
الحرام ..................... نزوه فيها شر البلاء
==
الحلال ........................... نقول خير الكلام
الحرام ................. نغلط ونسب فى خلق الله
==
الحلال ...................... غنوه تتغنى بالاذكار
الحرام ................... غنوه تتغنى فى البارت
==
الحلال ................. فرحه للتائب عن خطاياه
الحرام ................ دمعه للعاصى اللى ماتاب
==
الحلال ................ عريس وعروسه واشهار
الحرام ..................... زانى وزانيه وشيطان
==
الحلال ................ زغروده وطبله وعرسان
الحرام ........................ صرخه وأغتصاب
==
الحلال .................... تربى أولادك فى أمان
الحرام ...................... انك تطلق ام الاولاد
==
الحلال............ دمعة ندم وتوبه يليها مغفرة الله
الحرام .. دمعه من عيون الجاحد يليها غضب الله
==
الحلال ..................... صراط مستقيم ماأحلاه
الحرام .................... سكه طويله كلها اشواك
==
الحلال ...................... تزرع شجره ليها ثمار
الحرام ............................. قتل ماحرمه الله
==.
الحلال ......................... تمنح اليتيم مايبغاه
الحرام ............................ دع اليتيم وتنساه
==
الحلال .................... نورث اليتيم صدقه لله
الحرام ................... تحرم بنتك من الميراث
==
الحلال ............ نقول الحق ولانخشى غير الله
الحرام ................ نشهد زور ونظلم خلق الله
==
الحلال ....... نمشى على الارض فى تواضع لله
الحرام ........ نمشى على الارض مرحاّ ونختال
==
الحلال............ تصون عرض جارك اذا غاب
الحرام ................... تدخل داره بعيون غدار
==
الحلال ..................... تعطى من فى أحتياج
الحرام .......................... تأخذ من المحتاج
==
الحلال ...................... تعفى اذا ملكت يداك
الحرام .............. تغدر وتطغى على خلق الله
==
الحلال .................... تغطى عورات الناس
الحرام ................... تكشف اللى ستره الله
==
الحلال ...................... يبنى ويعلى البنيان
الحرام ...................... تهدم كوخ الغلبان
==
الحلال ......... يكون عندك كل الناس اخوان
الحرام ......... تفضيل نفسك على كل الناس
==
الحلال ............................... الشكر والحمد لله
الحرام .................................اننا ننكر نعم الله

=====

جعل الله حياتكم حلال فى حلال
كلمات / الصابر

... اجافيه ...
=====


اجافيه . وهو يسكن فى الحشا وحبيب
الاقيه . وأتصنع انى لاأتوق الي عينيه

اناديه . كما انادى على شخص غريب
وهو القريب . الذى اتوق للمس شفتيه

احن اليه . وحين اراه أمضى ألى بعيد
عيناى تتوق لرؤيته . والقلب يهفو اليه

........

دوماّ أتمنى رؤياه .......... وحين القاه
اقول سلاماّ وامضى

اخاف عليه .......... من رموش عيناه
منه أخاف على نفسى

.........

كيف ينساه قلبى ............. وهو الذى
جعلنى انا انسى اسمى

كيف اهرب منه ............. وهو قيدى
الذى منه صرت ابكى

......

كيف لا أبكيه ............ عن بعده عنى
هو الذى اخذنى منى

خيالاّ هلّ علىّ .............. دخل كهفى
هو ايقظنى من نومى

.........


رحماك ربى
اخشى ................. من بوحى بحبى

القلب يدمى
حبه صار ................. بدمى يجرى

حبيبى ارجوك
ارحمنى ............... ان كنت تفهمنى

خيالى ارجوك
لاتظل خيالا ................. ابتدع عنى

.......
..............

احسد قلمى
فهو ................... الذى يرى حبيبى

احببت قلمى
لانه ................... هو حبيب حبيبى

احببت خيالى ........... احببت ضعفى
فيه ارى .................. واسمع حبيبى

كرهت خيالى ......... أقول له أمضى
وتعالا ..................... ومعك حبيبى

.......

....... ولكن .......


خوفى المتملك قلبى الذى ولد مع حبى
اراه دومأ يحذرنى .. أراه دوماّ يبكتنى
...........
حتى ....... فى لقائاتى معه فى وهمى
اخشى منه ..... أخشى عليه من نفسى

اريد ان ...... احتويه دوما فى حضنى
ان أحيا معه ...... ما تبقى من عمرى

.........

حين يأتى الىّ .................فى حلمى
يصمت لسانى ............ يتحجر قولى

اراه هو ................ الذى يحتضننى
يرتعش جسدى ......... من نار وجدى

........


لا أملك ألا .................. لسان قلمى
به احاكى .................... حبيب قلبى

لا أملك ألا ................ دعائى لربى
ياجامع الناس ............... به اجمعنى

.......


اناديه بالمداد بكلمات مكتوبه بالدمعات
وأنا لاأعلم ... ماذا قد يخفيه لى قدرى

اعشقه بوهم وأحلام الجسد فيها كلمات
الحنان أراه حرمان ... وعذاباّ لجسدى

.......

احيا بصمت ........... وصرير اسنان
بقلم اضناه ... عشق جادت به الكلمات

ازدادت ............ صراخات الاوراق
قالت لى حذارى ... لاتجارى الكلمات

...........
.....

يا خيالى ......... انت هو طيف حبيبى
انت الذى ........ اناديك بهمس حنينى

صلى معى ............ ان التقى بحبيبى
أنت املى ............ حتى تراه عيونى

......

حبيبى .............اقصد خيالى ووهمى
اين انت ........... لا تتركنى وتمضى


يا سمائى
التى صعدت اليها ..... بكلمات عشقى

ياكهفى
أخاف من رسمى ..... وأخاف همسى

..........

يتمنى قلبى .............. يوماّ فيه القاك
والتقى بعيناك ...... ونحن نحيا عليها

تتمنى روحى ........ ان تلتقى بمحياك
ان عز اللقاء ...... ونحن نخطو عليها

.......


وحتى اللقاء ............ قد يصمت القلم
قد يأبى المداد ... أن يخط على الورق

أو قد ينفجر القلم .. أو .. يغرق الورق
أوأحيا بالأمل . او . أعود لكهف الملل

........

قد يكون
وتراه العيون ........... ويصبح حقيقه


قد لاندركه
ونظل نفتقده ............... ويظل حقيقه

.......


وداعاّ يا من أحببت يا من كنت حقيقه

وداعاّ ياحلمى وأتمنى ان تكون حقيقه

=======
كلمات قلم / الصابر