همسات الصابر

ايها القدر مهلاّ
=====

ايها القدر مهلاّ علىّ ولاتقرر انت مصيرى
دعنى امحوا ظلام مامضى من ذنوب سنينى

أمهلنى بعض الوقت كى أتوب عن المعاصى
كى اناجى ربى وأناديه عسى ان يغفر ذنوبى

كتابى كبير وأوراقه كثيره مكتوبه بدموعى
ان كانت هى بلاء أوأبتلاء فهى حقاّ ذنوبى

000000000


ايتها الايام أفعلى ماتشائى لفى بى ودورى
مازلت أحيا عليكى مازلت باقدامى ادوسك

لم تكونى يوماّ معى وكنتى عدوى اللدودى
لم ابكى يوماّ عليكى لم تكونى يوماّ صديقى

ذكر ربى فى داخلى وشيطانى يقرر مصيرى
وجنونى كان سيدى قتل كل الحب فى داخلى

000000000



لا تقولوا علىّ خاطى انا فقط من يقولى
نجاستى كانت فى لسانى مما تراه عيونى

لا تقولوا اننى مجنون وارجوكم لاتلومونى
لقد اختارنى قدرى وهو الذى أمسك بيمينى

000000000

جعلنى اهجر سريرى أجبرنى انام على حصيرى
جعلنى اتطهر من تراب مرقدى وانام مثل حقيرى

اخشى من بئس مصيرى ويأست من دموع عيونى
لعنك الله ياقدر الشؤم متى سوف ترحل عن سنينى

ايها القدرليتك امامى بشر كى اشفى منك غليلى
ايتها الايام ليتك تكونى انسان كى استرد حقوقى

000000000

يارب الحياه جئت اليك تائباّ ارجوك نجينى
اشتاق الى غفرانك انتشلنى من وحل سنينى

انصرنى على قدرى الذى به الجهله عايرونى
وأفتح عيونى أكثر لاشبع من كلامك المنيرى

لا تنصر علىّ قدراّ أهاننى وود ان تدمى سنينى
ارفع قولى عالياّ ليراه كل من اشاع عنى بسوئى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ان كان الله معى
من هو الذى يكون ضدى ؟
انا مازلت
صابر

اه يابلد

اه يابلد محتاجه ولد

ولد شارب من صدر امه ومرتوى
واكل الخير من ايد ابوه بالعرق
ولد اتربى على الاصول والقيم
ولد يكون يعرف ايه معنى البلد

اه يابلد

عليت فيكى المبانى واعتلت
والاصل والاصول كله اتردم

خلاص
اصبح مفيش طبقه وسط

خلاص
معدش فيه شىء مؤتمن


اما غنى وعايش فى بغدده
او معدوم ومش لاقى الغدا


اه يابلد

فيكى الف وزير ويزيد العدد
وابن الوزير طايح فى البلد

وابوه بيجمع الدنانير
علشان يهرب م البلد

ويمشى وزير وييجى وزير
لنفس السبب الكل بيسرق البلد

العدل فين يابلد ؟
راحت فين القيم ؟

مصر فين يابلد ؟
وديتوا فين البلد ؟

ولحد امتى راح نتخرص ؟
نحكى ونشكى فى الهوى

ونقول كلام ومفيش عمل
وننتظر من غير أى أمل

قالوا فيه قانون فى البلد
قلت قولولى فى اى بلد

كم مليونير فى البلد ؟
ومنين جالهم المدد ؟

قانون من اين لك هذا
راح فين ياساده ؟

القانون اللى ماشى هنا
يطبق بس ع الغلابه

شاطرين نطارد الغلبان
اللى بيبيع امشاط وفلايات

وعلى بابا معاه حصانه
وبيتاجر فى المخدرات

الارض فسدت بالمبيدات
مسرطنه او مسممه
وحتى لحوم الكلاب
اكلناها معلبه

العقول فسدت من فتاوى
هدفها تزرع الفتن
هدفها تشعل نيران
تحرق الباقى م البلد

ياأخوانا كفايه بقه
بصوا شويه ع البلد

نقول كفايه لحد كده
نحافظ ع اللى فاضل م البلد

نقول حرام والله كده
باسم الخصخصه نبيع البلد

احزاب كتيره مالها عدد
بيقولوا كفايه ووفد وعمل
كله بتاع كلام من غير عمل
ومن غير مايفهم يقول معترض

قالوا للحرامى
ليه بتسرق البلد

قال انا بسرق
اللى بيسرق البلد

والسارق من السارق
كالوارث من ابيه

حراميه بتسرق حراميه
والشعب راحت عليه

قلت
م الشعب منه الحكومه
والحكومه من الشعب

واللى راحت عليه
هم الغلابه فى البلد

همه الغلابه المطحونين
وهمه اللى شايلين البلد

والله العقل قرب ينفجر
وخايف من غلط القلم

.........

يبقى اصحى يابلد
كفايه النوم فى العسل

يلا هاتى الولد
اللى بيه هتبقى بلد

بس ياترى هو اتولد ؟

ولا لسه هيجيبه الزمن ؟

ياترى ؟؟
هو اللى عليه النيه ومعتمد ؟

وليه لا ؟؟

مش هو برضه ابن البلد ؟

وممكن يكون هو الامل

وبيه ترجع البلد وتبقى بلد

وعبد الناصر
من تانى فيه ممكن يتولد

وبأيد يطبطب على الغلابه
والتانيه ماسكه المقصله

وبأيد يداوى المجروحين
والتانيه تدبح اللى افترى

وينهى الاقطاع م البلد
وخير البلد يبقى جوه البلد

ويبقى فعلا هو الولد
هو جمال اللى فعلا اتولد
=====

كلمات قلم عايش فى الم
الصابر

اهين من الايام

======

اهين من الايام اه لم تعطى لمن يهوا هواه
حتى السفن بما لاتشتهى دوماّ تأتيها الرياح

نمرح ونلهو فى الصغر وحين ندرك الشباب
نلهو مع الهوا بطيش يقتل من يعيش بلا لجام

يطرق بابنا الهوا ودوما يكون فيه غبار وتراب
نستنشقه كانه خمر طابت الى شاربها فى المذاق

من قال ان ما فعلناه فى شبابنا ماضى وقد مات
كلا لانه سيقبل علينا يوما سوف يأتى حتى الدار

اما يأ تى ويكون معه الفرج ويكون نصراّ من الله
أو يأتى لنا ومعه الشرور بعد ان صارت لها انياب

الخير يهل على صاحبه مثمراّ هو الذى يفتح الدار
الشر يعرف من صاحبه مهما توارى عن الانظار

بنيت الحياه على العدل ولا ظلم سوف نراه هناك
ما نضمره فى أنفسنا سيصبح حقيقه وسوف نراه

........

لا تسىء يوما الى ثياب الحداد وتقول عليها بلاء
لايحسن بعينيك ما تراه من زخرف ثياب وابدان

ماتراه العيون كله باطل كله ماضى الى الزوال
مالم نراه حتماّ سيكون هو اجمل من كل جمال

مالم تسمع به الاذان وما لم يخطرحتى على بال
سندركه حين نخلع تلك الثياب حين نقرء الكتاب

........

انعام الدنيا زائله فأغتنم منها لك مالذ وماطاب
تمتع فيها بما منّ وانعم عليك الخالق من الانعام

الحزن والبكاء والوزر والظلم ليسوا من الانعام
تنعم فيها بالفرح والضحك ولا تظلم يوماّ انسان

ومن الايام قل : اّه واّهين ولا تأمن غدر الزمان
وأووفى ما عليك من دين ولا ترحل وانت مدان


..............


اجعل الله دوماّ فى داخلك اذكره قبل أى كلام
لا تخشى عليها من أى مهلك ان كنت مع الله

قل دوما لا الله الا انت سبحانك أرحمنى ياالله
قل لله أطلب منك غفرانك وسترك علىّ يامنان

..........


قل انى ظلمت نفسى أغفرلى ربى كل وزرى
قل انى نسيت نفسى حين تناسيتك وانت ربى

قل اّه من الايام اّه هى تعطى هى تأخذ بقضاء
سبحانك ربى كن معى معيناّ لما انا فيه من بلاء

========

كلمات / قلم الصابر

شبابنا ياحلوين
=====

ان كنتم مسلمين ولا كنتم مسيحيين
ابدء معكم ببسم الله الرحمن الرحيم



كلامى معاكم اليوم بعنوان تحذير
من الادمان لانه حقاّ شىء خطير


(1)



الادمان صعب جداّ لوكان حتى فى الدين
لانه سيتطلب الخلوه والبعد عن العالمين



يعنى نطير على الجبال ونبقى رهبان
اواننا نسكن فى عشه ونبقى صوفيين



الدين فى الدنيا العمل الصالح محبة الاخرين
فى الاول لازم نعقلها ونتوكل على الله المعين



ونقول يارب اعيننا ويارب سهل كل الامور
وبكده البلد تنور بيكم وتعلى فوق ياحلوين



وأطيعوا أولى الامر منكم وده كلام الدين
وأعطوا مالقيصر لقيصر وكونوا مؤدبين



شبابنا ياغاليين
=====
(2)


الادمان فى الحب هيخلى حياتكم طين
اماعقولكم راح تفوت اوتبقوا مجرمين



الحب اساسه الادب الحب هوه لحن جميل
والحب عمره ماجرح ولاعمره كان حزين



الحب هوه الامل وبيه هتبقوا رجاله وحريم
حبوا زى ابوكم وأمكم حبوا بعض فى النور



حبوا والديكم اولاّ سيروا فى التعليم
احترموا معلميكم المعلم كأنه رسول



بالعلم يرتفع الشأن بالعلم تبقى وزير
حب الظلام مهلكه تخرب بيه البيوت



شبابنا ياحلوين
=====
(3)



ندخل بقه فى لب الموضوع ونقول يامعين
اللهم أرحمنا أعيننا يامعين يارب العالمين



افيون وبرشام وخمور وشم للكوكايين
حتى ملصوق الجذم أصبح له مدمنين



وهمه سبب لكل اذيه صدقونى ياغاليين
لاهيخلوا ليكم مله ولاهيبقى عندكم دين



شبابكم راح يتهدم مش هتبقوا واعيين
دوسوا عليهم بالجذم معايا قولوا اّمين


اهل مصر ياطيبين
======

(4)



امتى ترجع مصرنا عاليه ويرجع الزمن الجميل
امتى جرجس يبقى اخو حسن لافرق بين الاثنين



عارفين امتى ياغاليين نرجع تانى للزمن الجميل
لما نقرب من ربنا نطفى شرارة التعصب اللعين



وحذارى من رجال الدين زرعوا الفتن فى الدين
مفيش رساله منهم خلت لأنهم اساس الشياطين



يوحى بعضهم الى بعض زخرف لكل قولاّ خبيث
يلا ياشباب مصرنا ارفعوا علم الهلال وياالصليب


بألحب نبنى مصرنا بالحب تعلى امنا
بالحب نعيش كلنا قلوبنا على بعضنا


الدين هوه الدنيا والدنيا هيه الدين
الله واحد له المجد والكرامه امين


========
فى حب بلدى مصر
تحياتى لكم
كلمات / الصابر