همسات الصابر

رايحه فين يابلد

؟؟؟؟؟؟؟؟؟؟؟
؟؟؟؟؟؟؟؟؟؟

رايحه فين ... يابلد ؟

شايله قفه فوق دماغك

وماسكه فى ايدك ولد

؟ ؟
..........

قالت البلد :

رايحه أطفش من البلد

الشر فيها اتولد

قفتى فيها التاريخ

هحافظ عليه م التلف

.....

خايفه من ابن اللئيم

يزرع دسيسه فى القيم

وكفايه يا أبنى اللى انزرع

.............
..........................

قالت البلد :

واخده معايا ابن الشهيد

اللى ابوه اتقتل

هعلمه كل التاريخ

من غير دسيسه أو خدع

هعلمه .. ازاى يحافظ ع القيم

ويوم مايرجع ... هيبقى سيف

وأسمه هيبقى ... صرخة امل

.......................

قالت البلد :

رايحه

اكتب على جدار الزمن

حكاية ... بلد اتهدم

حكاية ... قصر أغتصب

حكاية ... ملك جوه داره يتأسر

وفوق كرسى عرشه .... يتشنق

.....

رايحه أسجل .. كل دار اتحرق

رايحه احكى
عن عرض الصبيه يوم ماأغتصب

رايحه احكى
ع الشباب اللى اتسحل


والزرع
اللى مات م العطش


والانهار
اللى صارت برك


ومات فيها ...... حتى السمك

...............

قالت البلد :

رايحه أكتب للتاريخ

قصة الشعب الجريح

اللى العدو فيه يستبيح

كل مزله ممكنه

....
شعب صامد بالحجاره

كل يوم 1000 غاره

فينك يا أقصى فين المغاره

الكلمه صارت مؤلمه

....
ابنى صار يعمل أجير

عند العدو بيبنى سور

وسور يشبك فى سور

والابواب كلها مغلقه

....

والموالى همه الاعادى

وكل والى ليه موالى

وكل والى أصبح معالى

واحد أمير والتانى ملك

....

الف خساره ياشعب ضايع

الف رحمه عليك ياياسر

كفايه ياقلم سك الدفاتر

يمكن فى يوم ييجى الامل

...................

قلت :.... يابلد

ازى هتمشى م البلد .. ؟

أنتى الارض ... اللى عليكى بنتولد

؟؟

هتروحى فين ... ؟

هنروح فين ..... ؟

هنسكن فين يابلد ؟؟

ازاى نعيش من غير وطن ؟ ؟

؟

ردت علىّ البلد :

وجوه عنيها دمعة الام الثكيله

ردت البلد :

وجواها نظرة غيظ حزينه

قالت البلد :


هو انتوا برضه ليكم وطن ؟؟


ولا انتوا حالياّ عرب ؟ ؟


أنتوا نايمين فى العسل

نسيتوا انه ليكم بلد

جسدى لطختوه بالدماء

وفى الحشا دفنتوا اللغم

اشتريتوا السلاح م العدو

ومش عارفين .... مين العدو ؟
.......

دخلتوا العدو ارضكم

افتكرتوا انه ضيف

وبجهل كرم العرب

قلتوا اهلاّبك يا .. ضيف

أحنا الضيوف عندكم

وأنت صاحب الوطن

وبكلام جهلكم

اتكتبت وثائق وحجج

خدوا الارض منكم

من جهلكم .... ياكل العرب

؟؟ ؟؟
قالت البلد :

اعمل ايه .... ؟

بعد ماولادى صاروا أعادى ؟

اعمل ايه .... ؟

بعد ماجابوا العدو جوه دارى ؟
..........................
...................

قالت البلد :

رايحه أعيش بين الجبال

عن عيونكم راح أختفى
؟؟
اسكن وسط الوحوش

يمكن هناك الاقى وطن

؟؟

وكله هيطلع من عيونكم

هترجعوا تانى للابل

؟؟؟؟؟؟؟؟؟؟؟؟؟؟؟؟؟؟؟؟؟؟

مشت البلد

وقالتلى امشى ياولد

؟؟

مشت البلد

سابتنى فى نص الطريق

مشت البلد

سابتنى انده واقول :

ارجعى لينا يا ...بلد

مشت البلد

وهى ماسكه فى أيدها الولد

تعالوا نبحث ع البلد ....

من غيرها ازاى نعيش .. ؟

ازاى نكون من غير وطن ..

هيه كل الامان

هيه الاصل واحنا عدم

تعالوا نجيبها قوام

نجيبها هيه والولد

راحت
تسكن وسط الجبال

راحت
تعيش عند الوحوش

خايف
عليها وع الولد
.......

مع وافر تحياتى
كلمات / الصابر

زوجه حائره

؟؟؟؟؟؟؟؟؟

حبيبى لعبته ............... يضايقنى وخلاص
ياما قلت له ................... أنت أعز الناس

لاسامع كلمتى ............. ولا مريحنى معاه
غلبت فى شكوتى ............. اعمل ايه وياه

بيقوللى واسمعه ......... وماشيه على هواه
فى القلب مطرحه ............ ساكن هنا جواه

بحبه واعشقه ................ نصيبى كده وياه
ولاهقدر ازعله............... مهما شفت معاه

كده من غير سبب ...... يعمل روحه زعلان
العند مبدئه ............... وقاسى القلب كمان

نفسى يتعدل ............. واشوف الحب معاه
حبيبى يادنيتى ............. كفايه ياأعز الناس

نصيبى وقسمتى ............ أحتار دليلى معاه
نفذت ماطلب ................... زود علىّ الاه

غنيت له بحبنا ........... رقصت بالصاجات
قلبه زى الحجر ....... مش دارى باللى معاه

اضحك فى وجهه دايماّ . عايزه اكسب رضاه
اولادنا بقول لهم .............. بابا زى الملاك

يدخل من بره شايط ......... يخبط فى الابواب
ويزعق فىّ واسكت ........ ويشخط فى الاولاد

اولادنا بيسألوا ................. مال بابا زعلان
اروح له واسأله ............. مايرد علىّ جواب

حبيبى يادنيتى ............... كفايه ياأبو الاولاد
قربت انقهر ................ خلصنى من العذاب

بحبك مهما تعمل .......... مستحيل أقدر انساك
حبك فى دمى يجرى .......... دلعنى بقه بهواك


======

مع تحياتى دائماّ

كلمات / الصابر

=====
===
=
كانت امه عظيمه ام جليله يضرب بها المثل
كانت أميره تحترمها العشائر تخشاها الدول

لم تكشف عورتها لأحد كانت عنوان الادب
العزه كانت عنواناّ لها وكانت عنوان الكرم

اولادها كانوا عظماء وكانت خير من أنجبت
تعلموا كل العلوم وزرعوا الارض واثمرت


كانت هى المعطائه ولم تمد يديها يوماّ لأحد
كانت هى القويه العفيفه ولم تؤثر فيها المحن

اولادها تكاثروا وتناسلوا وأزدادوا فى العدد
تشاجر صغارها فيما بينهم وولد فيهم الطمع

قتلوا امهم اقتسموا ميراثها بأوراق وحجج
ووزعوا الديار بينهم تفرقوا وضاعت القيم

صار لكل داررجلاّ كبيراّ لايستشير أى احد
وضعوا الحدود رسموها بالغام وشوك وسد

تعاهدوا مع الشيطان وهو لايعرف أى عهد
باعوا له من كل دار غرفه فيها يجلس مستقر

رحبوا به وقالوا أهلا ياعمنا اهلاّ بالرجل الاسد
لقد جئت مشكورأ لكى تصلح بيننا حين نختلف

دخل اللئيم فى كل دار سرق العلوم ومزق القيم
اخذوا علوم امنا وبها أعتلوا وصاروا فوق القمم

وضعوا فى تراثنا الدسائس فرقت شمل العرب
كل فريق سار وراء دسيسته ورفعها كأنها علم

كل فريق يقول انا والاخرين هم اتباع ابو جهل
وتناحروا الاخوه بالضلال والعم سام يمد بالمدد

ومدده دوماّ هو البارود ويدعى انها دقيق وسمن
خبزه يأتى مسموم بأشعاع لنموت ويحتل الارض

من أبتعادنا عن ألهنا أتلف الله عقول أولى الامر
كل منهم يقول دارى فقط لست مسئول عن أحد

وديارهم اصبحت مدانه وخيراتهم لاتسد دين
ديارهم أصبحت مهانه وتتوجع من كثرة الالم

هذا هو حالنا أما هابيل أو قابيل أو ابو جهل
ولن يرضى الله عنا ألا أذا عدنا لحضن الام

لن نتوحد ألا اذا ابتعدنا عن كل جهل وكل غدر
وطردنا الغول من أراضينا وكفاه من اكل الغنم

محونا الحدود من بيننا لاحدود لأرض الوطن
خيراتنا كثيره وتكفى وتزيد لنهضة الف وطن

وهذا كلاماّ لقلم ضعيف لايملك نفعاّ أو ضرر
صاحبه مبتلى من ألاضطهاد من قوم ابا جهل

=========
يارب السلام أمنحنا السلام
كلمات قلم / الصابر